Без труд не се ора со плуг. Оваа македонска народна поговорка на што ве асоцира? Дали оваа поговорка може да биде поставена како заклучок или идеја на некое дело?
Оваа поговорка можеме лесно да ја објасниме преку едно дело наречено „Галебот Џонатан Ливингстон“ од Р.Бах. Ова дело е доста поучно, и често се случува помладите не од првото читање да ја разберат идејата. Во книгава главниот лик Џонатан кој е галеб, го надградува својот став, своето мислење, а најважно тој разбира дека не секогаш треба да се прави тоа што другите ќе ти го кажат. Другите галеби очекуваат Џонатан да се однесува исто како нив, да се разбуди од сон, да фати риба за да јаде, и да се врати таму кадешто живее. Но Џонатан е различен од другите. Тој сака да лета. Џонатан упорно пробува да се качи на големи височини и да постигне голема брзина. Секако неговите први обиди не успеваат. Меѓу првите обиди тој за малце и умира, но тој не дозволува тоа да го спречи да прави тоа што сака. После многу обиди, после целиот тој вложен труд, Џонатан успева да се качи на голема височина, која за галеб е невозможна, како и успева да достигне голема брзина која исто така за еден галеб е невозможна. Џонатан поставува рекорд, како и станува пример за нас.
Поради упорноста, желбата и амбицијата, како и трудот Џонатан го постигнува тоа што сака. Ако тој не внесеше труд во тоа што сака да го постигне, неговите успеси би биле невозможни и за него.
No comments:
Post a Comment